Arbëri

“Ferronikeli” fillon ta mbulojë skorien, alarmohet për kontaminim të ujit

Pak ditë pas protestës së banorëve të tri fshatrave të Drenasit për ndotjen nga fabrika e “Ferronikelit”, kjo kompani ka filluar të mbulojë me dhe deponinë ku ka hedhur skorien. Por, sipas aktivistëve kjo është një tendencë për të mbuluar skandalin që kanë bërë në atë pjesë. Dëmet nga mostrajtimi i këtyre mbetjeve janë konstatuar edhe shkencërisht.

 

Pak ditë pas protestës së banorëve të tri fshatrave të Drenasit për ndotjen nga fabrika e “Ferronikelit”, kjo kompani ka filluar të mbulojë me dhe deponinë ku ka hedhur skorien. Por, sipas aktivistëve kjo është një tendencë për të mbuluar skandalin që kanë bërë në atë pjesë. Dëmet nga mostrajtimi i këtyre mbetjeve janë konstatuar edhe shkencërisht.

Disa ekskavatorë po mbulojnë me dhe deponinë e skories së “Ferronikelit”. Po bëhet vetëm pak ditë pasi banorët e tri fshatrave të Drenasit protestuan para Ministrisë së Mjedisit në Prishtinë, për shkak të ndotjes së mjedisit nga kjo kompani.

Por sipas aktivistëve mjedisorë ky aktivitet përbën përpjekje për të mbuluar, siç thonë, “krimin mjedisor”.