Arbëri

Shtatë të arrestuar për 400 kg drogë me vlerë 20 milionë euro

Foto: Koha / Driton Paçarada
 

Prokuroria dhe Policia e Kosovës kanë mbajtur konferencë për media pas konfiskimit të 400 kilogramëve të substancave narkotike të llojit kokainë, ku është bërë e ditur se janë arrestuar shtatë persona.

Kryeprokurori i shtetit Aleksandër Lumezi ka thënë se me urdhër të Prokurorisë Speciale dhe në bashkëpunim me Policinë e Kosovës autoriteteve italiane dhe atyre të Shqipërisë, janë konfiskuar 400 kg kokainë, vlera e të cilës arrin 20 milionë euro.