Në Shqipëri kanë arritur edhe 11.700 doza të tjera të vaksinës antiCOVID të Pfizerit.
Vaksinat kanë arritur para disa minutave në aeroportin “Nënë Tereza” në Tiranë, ka njoftuar kryeministri i Shqipërisë, Edi Rama.
“11.700 doza të tjera të vaksinës Pfizer sapo kanë mbërritur në Shqipëri - pjesë e kontratës së qeverisë me kompaninë Pfizer 7020 dhe një sasi e parë 4680 nga mbështetja e Bashkimit Evropian”, shkruan Rama.
Ministrja e Shëndetësisë dhe Mbrojtjes Sociale Ogerta Manastirliu, më herët bëri me dije se sot u kryen 19,886 vaksinime dhe që prej fillimit të vaksinimit janë kryer 537.837 vaksina antiCOVID për qytetarët.
