Arbëri

Ipeshkvi Gjergji pas sulmit në xhaminë e Tiranës: Aktet e tilla s’duhet të ndodhin në shoqërinë tonë

Ipeshkvi Gjergji pas sulmit në xhaminë e Tiranës: Aktet e tilla s’duhet të ndodhin në shoqërinë tonë
 

Ipeshkvi i Dioqezës Prizren-Prishtinë, Dodë Gjergji pas sulmit që ndodhi sot në xhaminë e rrugës së Kavajës, në kryeqytetin e Shqipërisë, ku mbeten të plagosur pesë persona, i ka dërguar një letër solidariteti, kryetarit të Bashkësisë Islame të Shqipërisë, ku ka shprehur bindjen se personi i cili ka shkaktuar këtë tragjedi, do të marrë përgjigjen e merituar para organeve të drejtësisë.

Në letrën e tij, Dodë Gjergji ka theksuar se aktet e tilla të dhunës dhe kërcënimi i jetëve të njerëzve nuk duhet të ndodhin në asnjë realitet të shoqërisë sonë, e aq më pak në vendet e kultit dhe në muajin e Ramazanit.