Arbëri

SHBA-ja-Kurtit: Marrëveshja me Serbinë për njohje të ndërsjellë, thelbësore për Kosovën

SHBA-ja-Kurtit: Marrëveshja me Serbinë për njohje të ndërsjellë, thelbësore për Kosovën
Sekretari i Shtetit, Antony Blinken
 

Sekretari i Shtetit, Antony Blinken, i ka dërguar një letër urimi Kryeministrit të Kosovës, Albin Kurti, nëpërmjet së cilës e ka përgëzuar atë dhe popullin e Kosovës për zgjedhjet e suksesshme dhe demokratike, të mbajtura më 14 shkurt. Ai ndër të tjera ia ka përmendur edhe dialogun me Serbinë duke shtuar se ai është thelbësor për ecjen e Kosovës drejt anëtarësimit në BE.

Sipas njoftimit për media të dërguar nga Zyra e Kryeministrit, Blinken ka shkruar se Shtetet e Bashkuara të Amerikës e kanë mirëpritur formimin e qeverisë së re dhe se presin të punojnë ngushtë për të siguruar, siç ka thënë ai, që Kosova sovrane, e pavarur, shumë-etnike dhe demokratike të zë vendin e saj si partner i barabartë në familjen euro-atlantike.