1 perditesime
Arbëri

Nis vaksinimi i personave mbi moshën 85 vjeç

Nis vaksinimi i personave mbi moshën 85 vjeç
Foto: Alban Bujari \ KOHA
09:18

Nis vaksinimi i personave mbi moshën 85 vjeç

Edhe zyrtarisht ka nisur vaksinimi i personave të moshës mbi 85-vjeçar.

Vaksinimi, ashtu siç është planifikuar, do të bëhet në të gjitha komunat ku është shpërndarë vaksina, ndërkaq në Prishtinë ky proces po bëhet në sallën “1 Tetori”.

Koordinatori i Qendrës së Vaksinimit në sallën “1 Tetori”, Niman Bardhi, ka thënë se vaksinimi ka filluar ashtu siç ishte planifikuar.

Ai ka thënë se që nga orët e para të mëngjesit janë bërë përgatitjet e duhura për fillimin e vaksinimit.

“Nga ora 8 kemi filluar vaksinimin, mbi 10 persona janë vaksinuar deri tash. Nuk kemi ndonjë problem lidhur me vaksinimin. Prioritet kanë të gjithë ata persona që janë regjistruar në linkun E-Kosova. Ardhja e tyre është e koordinuar sepse po e respektojnë edhe kohën. Listë të numrit total për regjionin e Prishtinës nuk kemi, por ne mund t’i realizojmë 700 deri në 1000 vaksinime brenda orarit”, ka thënë ai.

08:08

Sot nis vaksinimi i qytetarëve mbi 85 vjeç

Ministria e Shëndetësisë njoftoi se sot nis vaksinimi i qytetarëve të moshës mbi 85 vjeç.

Vaksinimi do të bëhet në të gjitha komunat ku deri më tash është shpërndarë vaksina dhe kryhet në qendrat kryesore të mjekësisë familjare me përjashtim të Prishtinës, ku ky proces po bëhet në sallën “1 Tetori”.

Sipas MSH-së, për grup-moshën 80-84 vjeç, vaksinimi nis më 11 prill 2021.

Personat e këtyre grup-moshave, do të kontaktohen për vaksinim përmes telefonit, bazuar në të dhënat e plotësuara përmes aplikimit në adresën ekosova.rks-gov.net, ku mundësia e aplikimit është ende e hapur.

Kosova deri më tash ka siguruar 24 mijë doza të vaksinës kundër COVID-19 përmes programit COVAX. \ Ksp