2 perditesime
23:24

Numërohen afër 26 mijë vota nga diaspora, VV-ja prin me 19.626

Deri në orën 22:00 të së martës janë numëruar 25,798 të votave nga diaspora. Lëvizja Vetëvendosje po prin me 19,626 nga totali i këtyre votave.

Lidhja Demokratike e Kosovës vijon e dyta me 2173 vota dhe Partia Demokratike e Kosovës e treta me 2120 vota nga diaspora.

Ndërsa, me 855 vota Aleanca për Ardhmërinë e Kosovës radhitet e katërta.

20:45

Numërohen mbi 17 mijë vota nga diaspora, VV-ja i ka 12.700

Deri në orën 19:00 janë numëruar 17.159 vota nga diaspora, ndërsa 12.700 prej tyre janë për Lëvizjen Vetëvendosje.

E dyta është PDK-ja me 1499 vota, e LDK-ja i ka 1440 vota. AAK-ja i ka 732 vota e Nisma 162.

Janë 56.910 vota me postë apo nga diaspora që do të numërohen në Qendrën e Numërimit dhe Rezultateve.

18:45

Janë numëruar mbi 14 mijë vota nga diaspora

Po vazhdon numërimi i votave me postë dhe votave nga diaspora.

Sipas të dhënave të Qendrës së Numërimit dhe Rezultateve (QNR) janë numëruar deri në orën 17:30, 14 mijë e 133 vota nga 56.910 vota të aprovuara nga diaspora.

Lëvizja Vetëvendosje nga këto ka 10.322 vota, LDK-ja 1271, PDK-ja 1241, AAK-ja 674, e NISMA 62.

Sot ka përfunduar numërimi i 29.940 votave me kusht.