Në Lidhjen Demokratike të Kosovës kanë filluar të bëhen publike preferencat për të parin e partisë vetëm pak ditë pasi është caktuar data e zgjedhjes së tij.
Imet Rrahmani, anëtar i LDK-së ka publikuar sot një fotografi ku shihet krah nënkryetarit Lutfi Haziri.
“Mirëmengjesi LDK-ista!”, ka shkruar Rrahmani në postimin e tij në facebook duke bërë kështu të ditur rreshtimin e tij krah Hazirit për të marrë timonin e partisë.
“Mirëmbrëma të gjithë anëtarëve të LIDHJES”, kishte shkruar mbrëmë Hoti.
Deri më tani, disa emra janë lakuar si kandidatë potencialë për të marrë drejtimin e Lidhjes Demokratike të Kosovës, pasi Isa Mustafa kishte ofruar dorëheqjen nga kjo pozitë pas zgjedhjeve parlamentare të 14 shkurtit ku LDK-ja mori vetëm rreth 13 për qind të votave të qytetarëve.
Në mesin e të përfolurve për kryetar të LDK-së janë Lutfi Haziri, Kujtim Shala e Lumir Abdixhiku ndërkohë që Anton Quni e ka shprehur edhe publikisht pretendimin e tij për të marrë në dorë udhëheqjen e partisë.
Kuvendi Zgjedhor për kryetarin e ri të LDK-së do të mbahet më 14 mars. Sipas statutit të kësaj partie, asnjë kandidaturë për kryetar nuk është e zyrtarizuar pa marrë 50 për qind plus një votë të delegatëve të pranishëm në Kuvend. Pikërisht kjo ka qenë pika që po kërkohet të ndryshohet nga shumë zyrtarë të LDK-së.
