Procesi i rinumërimit të 494 vendvotimeve pritet të përfundohet të premten, siç kanë njoftuar zyrtarët e KQZ-së.
Nga të dhënat që u prezantuan të mërkurën, thuhet se janë rinumëruar rreth 33 e vendvotimeve, apo 161 nga 494 vendvotime sa u mor vendimi të rinumërohen.
Arsyet e rinumërimit të 494 vendvotimeve kishin të bëjnë me bartje të gabuara të votave në formularin e subjekteve politike në 35 vendvotime, bartje të gabuar të votave në formularin e kandidatëve në 6 vendvotime, kandidati apo kandidatët kanë më shumë vota se subjekti politik në 370 vendvotime dhe subjekti ka vota ndërsa kandidatët jo dhe anasjelltas në 83 vendvotime.
