Arbëri

Posta në vështirësi financiare: Qeveria e Telekomi t’i shlyejnë borxhet

Posta në vështirësi financiare: Qeveria e Telekomi t’i shlyejnë borxhet
 

Posta e Kosovës është në gjendje jo të mirë financiare, e si pasojë e kësaj kanë mbetur edhe një pjesë e punëtorëve ende pa paga. Në këtë ndërmarrje thonë se situatë më e mirë do të ishte nëse Telekomi dhe Qeveria e Kosovës do të paguanin obligimet që kanë ndaj saj.

Ushtruesi i detyrës së kryeshefit ekzekutiv të Postës së Kosovës, Xhevdet Smakiqi, ka thënë për KosovaPress, se nëse do të respektohej marrëveshja për shërbime postare me Qeverinë e Kosovës që ka akumuluar rreth 7 milionë euro borxhe dhe nëse Telekomi do të shlyente detyrimet rreth 2 milionë euro që janë nga qiratë atëherë të paktën pagat do të ekzekutoheshin në kohë.