Kosova ngre dy hipoteza pas deklaratës së Vuçiqit se s’do ta njohë Kosovën

Deklarimi i presidentit serb, Aleksandar Vuçiq, se vendi i tij s’do ta njohë Kosovën deri sa ai të jetë president, deri më 2022, ngre dy çështje përjashtuese sipas ministres së Jashtme të Kosovës, Meliza Haradinaj-Stublla.

Në një reagim në Twitter, disa orë pas deklaratës së Vuçiqit, Haradinaj-Stublla ka thënë se kjo ose nënkupton që “Serbia të përjashtojë veten nga dialogu i ndërmjetësuar nga Bashkimi Evropian deri më 2022” ose “ndërmjetësuesi beson që ‘normalizimi i plotë’ nuk nënkupton domosdoshmërish njohje reciproke”.