Arbëri

MF: Gjermania ofron 72.1 milionë euro për ta afruar Kosovën me Bashkimin Evropian

 

Sot u përmbyllën negociatat qeveritare mes Kosovës dhe Gjermanisë për periudhën 2020-2021, ku Qeveria Gjermane ofroi një shumë prej 72.1 milionë euro për bashkëpunimin zhvillimor bilateral, prej të cilave 12.2 milionë janë për asistencë teknike dhe 59.9 milionë për asistencë financiare.

Siç njofton Ministria e Financave, në dy vitet e ardhshme, Gjermania do të fokusojë këto investime në mbështetjen e zhvillimit të qëndrueshëm ekonomik, procesin e reformave të integrimit evropian, dhe në investime në energji e efiçiencë të energjisë.