Arbëri

Limaj: Arrestimi i Krasniqit goditje për Kosovën

Kreu i Nismës, Fatmir Limaj, në një konferencë për media e ka quajtr personifikim të lirisë së Kosovës nga personalitetet e gjalla, Jakup Krasniqin.

Krasniqi sot është arrestuar dhe është dërguar për në Hagë, ku pritet të paraqitet para Gjykatës Speciale.

“Kemi kaluar në situata të tilla dhe bashkëndjejmë ato mmente që ka kaluar familja për orë të tëra. Në situta të tilla vlerësohen personalitetet dhe sjellja e tyre në raport me gjërat. Jakup Kransiqi, nuk besoj se ka personalitet në mesin e të gjallëve që është personifikim i lirisë drejtësisë i shtetit të Kosovës. Sot Kombi shqiptar nuk ka personalitet që mëshirohe vyrtetet si te Krasniqi. Ndihemi krenar ashtu siç ndihet ai”, ka thënë Limaj.

Limaj ka shtuar se vepra e Krasniqit nuk daton nga lufta e fundit, e gjithë jeta e tij ka qenë në shërbim të lirisë.

“Ai ka sakrifikuar lirinë personale për atë të populit. Ai asnjëherë nuk do ti bënte opozitë drejtësisë, sdo të dile kundër drejtësisë. E tërë lufta e tij ishte për drejtësi, bashkëjetesë e mirëqenie. Ne si parti ndihemi krenar që e kemi pasur edhe si drejtues të kësaj ideje, vazhdojme të udhëhiqemi me idealet e tij për të bërë një kosovë të barabartë. Sot është arrestuar ish-zëdhënësi i UÇ K-së në kohën kur u bë kryetar i Kuvendi të Serbisë zëdhënësi i Millosheviqit. Përkundër kësaj goditje ne bashkë do të qëndrojmë fort me besim të palëkundur në pastërtinë e Krasniqit”, ka thënë Limaj.

Limaj më pas ka kërkuar që të bashkohen të gjithë në Kosovë që të kërkojnë drejtësinë.

“I bëjëmë apel gjithë institucioneve, e opinionit publik që të bashkohemi dhe të mundësojmë drejtësinë. Beteja për drejtësi ka filluar në dhomat e Specializuara. Tani e tutje e di se Krasniqi do ta bëjë atë betejë siç i ka bërë të tjerat n rrethana të tjera për ta dëshmuar të vërtetën tonë historike dhe të vërtetën e tij historike. Jemi të palëkundur në drejtësi. Do t’i përgjigjemi dhe do të kontribuojmë që e vërteta dhe drejtësia të delë në shesh. Nga përvoja ime është se dyshimi është si një re që nuk lë me e pa pamjen e bukur. Gjithë duhet të kontribuojmë që ato re dyshuese të Kosovës që t’i heqim njëherë e përgjithmonë”, shprehet Limaj.

Ai ka shtuar se kjo është goditje e rëndë, jo vetëm për ne, por për gjithë Kosovën, por mbi të gjitha për familjen por “jam i bindur se këto dhimbje e padrejtësi do ti tejkalojë. Do ta presim Krasniqin. I vetmi personalitet mes të gjallëve që është personifikim i lirisë”.