Gjermania ka ndihmuar Shqipërinë me mbi 10 milionë euro në luftimin e COVID-19.
Ministrja e Financave dhe Ekonomisë së Shqipërisë, Anila Denaj, zhvilloi sot një takim me ambasadorin gjerman Peter Zingraf ku u diskutua mbi intensifikimin e bashkëpunimit shqiptaro-gjerman përgjatë vitit 2020.
Denaj informoi ambasadorin gjerman për vendimet e fundit të qeverisë mbi programet e punësimit dhe nxitjen e riintegrimit në tregun e punës të qytetarëve të larguar, si pasojë e COVID-19 dhe mbi iniciativat fiskale në mbështetje të sektorit privat, me fokus biznesin e vogël.
ATSH raporton se ambasadori Zingraf bëri me dije alokimin e një fondi shtesë prej 10.5 milionë euro për bashkëpunimin ekonomik dhe teknik mes dy vendeve, për periudhën 2020-2021, në mbështetje të ndaj ndikimit të pandemisë COVID-19, të përqendruar veçanërisht në mbështetjen ndaj SME-ve, zhvillimit dhe promovimit të tyre, por edhe zonave rurale dhe arsimit profesional.
“Rritja e angazhimit dhe mbështetja në situatat e tërmetit dhe pandemisë janë dëshmi e bashkëpunimit të fortë bilateral. Prioritetet e përbashkëta dhe orientimi i punës së Qeverisë dhe partnerëve gjermanë në sektorët më me peshë në ekonomi dhe në jetën e qytetarëve kanë qenë kyç në bashkëpunimin e vazhduar”, theksoi Denaj.
-
Gjermania ndihmon Kosovën me 150 mijë teste rapide antigjente
-
Gjermania do të ndajë deri në 50 miliardë euro më shumë ndihmë shtetërore për bizneset
-
MF: Gjermania ofron 72.1 milionë euro për ta afruar Kosovën me Bashkimin Evropian
-
Gjermania planifikon të ndajë 22 miliardë euro për kompanitë e prekura nga COVID-19
-
Për kufizimin e pasojave ekonomike të Covid-19, BE-ja i akordoi Shqipërisë 180 milionë euro