Funksionimi i aktiviteteve kulturore gjatë pandemisë është tema kryesore që “Koha Ditore” trajton në edicionin e veçantë të së dielës.
“Kultura në distancë” mban titullin shkrimi kryesor, i cili shfaq vështirësitë e institucioneve kulturore, derisa tregon edhe sfidat e teatrove në përdorimin e platformave online.
“Kosovarçe” këtë javë ju sjell Prizrenin dhe vitin turistik të dështuar që qyteti historik nuk mban mend t’i ketë ndodhur ndonjëherë më parë.
Për luftën e mjekëve indianë me virusin COVID-19 mund të kuptoni në faqet e botës.
Në rubrikën e kulturës, po ashtu lexoni për artisten Mimoza Hajdini, e cila arrin realitetin dhe fantazinë t’i bëjë bashkë në këngë.
Historia 170-vjeçare e briskpunuesve të Pejës shpaloset në monument.
Kurse, një tjetër histori interesante e gjeni në faqet e dedikuara për sportin. Bëhet fjalë për Haris Berishën që karrierën si portier në hendboll e nisi përmes shkollës së futbollit.
Si zakonisht, nga të gjitha rubrikat ju presin një sërë artikujsh të veçantë e interesantë.
-
Nga: Mehmet Krasniqi
-
8 gusht 2020 22:01
-
Shpërndaje në: