Arbëri

Hoti takohet të martën me Macronin

Hoti takohet të martën me Macronin

Kryeministri i Kosovës, Avdullah Hoti, të martën do të takohet në Paris me presidentin e Francës, Emmanuel Macron. Ai sot do të udhëtojë në Paris. 

“Kryeministri i Qeverisë së Republikës së Kosovës, Shkëlqesia e tij Avdullah Hoti do të udhëtojë sot për në Paris, ku nesër, më 7 korrik 2020, do të takohet me Presidentin e Republikës së Francës, Shkëlqesinë e tij Emmanuel Macron. Pritja zyrtare që bëhet enkas për kryeministrin e Republikës së Kosovës në Pallatin Elize (Palais de l’Elysée) në Paris, Pallati presidencial i Francës, tregon kujdesin dhe përkushtimin e Presidentit Macron ndaj Kosovës dhe të ardhmes së saj euroatlantike”, thuhet në njoftimin nga kryeministria.