Arbëri

Gjysma e kompanive janë përballë me pasojat e emigrimit të punëtorëve

Gjysma e kompanive janë përballë me pasojat e emigrimit të punëtorëve

Gati gjysma e kompanive kosovare janë përballur me pasojat e emigrimit të të punësuarve të tyre. Sipas analizës së Pulsit Publik të publikuar të hënën, e cila ka të bëjë me ndërlidhjen e tregut të punës dhe emigrimit, shumica e të punësuarve të emigruar në tre vjetët e fundit janë shpërngulur në Gjermani.

Analiza e Pulsit Publik të Programit të Kombeve të Bashkuara për Zhvillim në Kosovë (UNDP) është realizuar me anketimin e 201 bizneseve. Aty thuhet se institucionet dhe organizatat, palë të interesit, pajtohen se emigracioni i qytetarëve të Kosovës, veçanërisht në lidhje me punëtorët e aftë, është problem i përhapur në Kosovë, raporton KOHA.