1 perditesime
13:01

Osmani nuk e komenton shkarkimin nga pozitat në LDK

Kryetarja Osmani nuk ka pranuar të komentojë shkarkimin e saj nga pozitat në LDK, duke thënë se e rikonfirmon atë që ka shkruar në ditën kur kolegët e saj nga kjo parti kanë votuar pro largimit të saj nga pozita e nënkryetares dhe anëtares së Kryesisë.

Sipas njoftimit të LDK-së, Osmani u shkarkua me 70 vota pro të Këshillit të Përgjithshëm, që numëron 123 anëtarë. Ajo u shkarkua me arsyetimin se doli kundër qëndrimeve të partisë në disa raste.

11:39

Vjosa Osmani nga Obiliqi thërret institucionet të mbrojnë mjedisin

Kryetarja e Kuvendit të Kosovës, Vjosa Osmani, ka vizituar Komunën e Obiliqit. Osmani ka marrë pjesë në debatin e organizuar me përfaqësues të institucioneve e qytetarë lidhur me çështjet e ambientit.

Kryetarja Osmani ka thënë se mos zbatimi ligjit për Obiliqin tregon se si funksionojmë institucionet.

"Miratimi i ligjit të Obiliqit është bërë, por zbatimi i tij është shembull i drejtpërdrejtë se sa funksionojnë institucionet. Ne kemi vendosur që ta mbajmë takimin jashtë për të pasur përballje të drejtpërdrejtë me realitetin e që është një realitet jo i këndshëm. Ne duhet të fillojmë si Kuvend i Kosovës edhe për atë që njihet si buxhetim ambientor. Të shohim se si secila ndarje buxhtore e afekton atë mjedisor", ka thënë Osmani.

E kryetari i Obiliqit, Xhafer Gashi, ka vlerësuar vizitën e Osmanit dhë të deputetëve të Kuvendit. Sipas tij, kjo tregon për bashkëpunimin që duhet të kenë për problemet mjedisore.

Po ashtu, Osmani ka premtuar inicimin e debatit parlamentar në Kuvend për çështjen e liqeneve artificial. Ngritja e një çështje të tillë është kërkuar nga një qytetare e komunës së Obiliqit duke u nisur nga rasti i fundit në këtë komunë, kur dy fëmijë humbën jetën në njërin prej liqeneve artificial në një nga fshatrat e Obiliqit.

Pjesë e debatit përveç të rinjve të Obiliqit ishin edhe deputetët si Mimoza Kusari-Lila, Albena Reshitaj e Liburn Aliu. Pas diskutimit për ambientit, kryetarja Osmani do të vizitojë edhe Korporatën Energjetike të Kosovës.