Arbëri

OJQ-të kërkojnë të ndalohet linçimi publik ndaj aktivistit Shkëlzen Gashi

OJQ-të kërkojnë të ndalohet linçimi publik ndaj aktivistit Shkëlzen Gashi
 

OJQ të Kosovës përmes një reagimi kanë kërkuar që ndalohet linçimi publik ndaj aktivistit Shkëlzen Gashi, ish- këshilltarit të Albin Kurtit, pas një deklarate tij në lidhje me UÇK-në. Po japim të plotë reagimin e dërguar nga OJQ Integra.

Po vazhdon linçimi publik ndaj aktivistit për të drejtat e njeriut Shkëlzen Gashit. Për shkak të deklaratave të tij publike të bëra më shumë se një muaj më parë ku ndër të tjera përmendi edhe viktimat civile jo shqiptare dhe të drejtën e tyre për drejtësi, si dhe përgjegjësinë individuale që duhet të mbajnë ata ish-pjesëtarë të UÇK-së, të cilët kanë kryer krime gjatë dhe pas luftës në Kosovë, Shkëlzen Gashi u linçua publikisht, kërcënua e fye në mënyrën më të keqe nga audienca e gjerë, por edhe nga personalitet e politikanë të shumtë. Kështu, duke dëshmuar se edhe 21 vjet pas luftës, në vendin tonë është tejet e rrezikshme të flasësh për krimet e luftës, për një narrativë tjetër të saj, në një shoqëri ku kultura e mosndëshkimit ka forcuar rrënjët.