Kryesia e Kuvendit e ka caktuar për në orën 10:00 mbledhjen në të cilën do të shqyrtohet kërkesa për seancë, gjatë së cilës pritet të votohet për Qeverinë Hoti.
Kjo mbledhje, si është bërë e ditur nga njoftimi i Kuvendit, do të mbahet pa praninë e medieve.
“Pas mbledhjes, mediat dhe publiku do të njihen me vendimet e Kryesisë, nëpërmjet komunikatës dhe do të sigurohen pamje nga fillimi i mbledhjes”, shkruhet në njoftim.
Lidhja Demokratike e Kosovës ka kërkuar që seanca për votimin e Qeverisë Hoti të mbahet të mërkuren, në orën 11:00.
Ndërkohë, mbledhja e kësaj partie, në të cilat do të vendoset për emrat e saj për kabinetin qeveritar mbahet nesër, në orën 16:30.
17:17
Kryesia e Kuvendit mblidhet nesër
Kryesia e Kuvendit do të mblidhet nesër paradite, mëson KOHA.
Aty pritet që të shqyrtohet kërkesa e LDK-së për seancën në të cilën do të votohet Qeveria Hoti.
Kërkesa e LDK-së është që seanca të mbahet të mërkurën në ora 11:00.
Pas publikimit të plotë të aktgjykimit të Gjykatës Kushtetuese, ashtu siç kishte paralajmëruar, LDK-ja do të vendosë për emrat e saj për kabinetin qeveritar.
Mbledhja e kësaj partie në të cilën pritet të vendoset një gjë e tillë është paralajmëruar për nesër në ora 16:30.
