Arbëri

Nga 18 pacientët në dializë që u infektuan me COVID-19, kanë vdekur 4

Nga 18 pacientët në dializë që u infektuan me COVID-19, kanë vdekur 4

Raportet shkencore tregojnë se COVID-19 mund të paraqesë ndryshime në veshka tek 20-40 për qind e të prekurve. Në Kosovë ende nuk ka të dhëna lidhur me këtë lloj ndikimi tek më shumë se një mijë raste me koronavirus që janë regjistruar deri më tani. Por ajo që dihet është se tek 2 pacientë me COVID-19 është paraqitur nevoja për terapi zëvendësuese me dializë.

Të dyja këto raste, sipas drejtoreshës së Klinikës së Nefrologjisë, në Qendrën Klinike Universitare të Kosovës, Venera Gjuka, kanë pasur pamjaftueshmëri akute të veshkave të shkaktuar nga COVID-19. Njëri prej këtyre pacientëve ka vdekur si pasojë e COVID-19, ndërsa tjetri është në gjendje të rëndë. Ndërkohë që në numrin e përgjithshëm të të infektuarve bëjnë pjesë edhe 18 pacientë që para se të infektoheshin kanë qenë në trajtim në dializë. Deri më tani 4 ose 22.22 për qind e tyre kanë vdekur, raporton KOHA.