16:51

Kush, kur mund të lëvizë nga 4 deri më 18 maj

Nga nesër (4 maj) Ministria e Shëndetësisë do të lehtësojë masat për parandalimin e përhapjes së koronavirusit.

Ndër to do të jetë edhe zgjerimi i orarit të lëvizjes. Përmes Facebookut, kjo ministri ka njoftuar se si do të lëvizin qytetarët nga data 4 deri më 18 maj. Orari i qarkullimit do të jetë 3 orë, 90 minuta paradite dhe 90 minuta pasdite.

Qarkullimi do të organizohet sipas shifrës së parafundit.

Më poshtë gjeni oraret e organizuara sipas Ministrisë së Shëndetësisë.

 

11:06

Nga nesër lejohet qarkullimi dy herë në ditë nga 90 minuta

Nga nesër (4 maj) masat për parandalim të përhapjes së pandemisë do të ndryshojnë. Kjo pasi numri i rasteve të reja me koronavirus në vend ka shënuar rënie, ndërsa janë regjistruar numër më i madh i të shëruarve.

Faza e parë do të nisë nga data 4 maj deri më 18 maj. Gjatë kësaj periudhe do të zgjerohet orari i lëvizjes së qytetarëve nga 1.5 në 3 orë në dy orare, para dite dhe pas dite.

Faza e dytë planifikohet nga 18 maji deri më 1 qershor, ku planifikohen të lirohen masat varësisht nga situata, ndërsa faza e tretë nis nga 2 qershori deri në vendimin e radhës.

Ministri i Shëndetësisë, Arben Vitia ka njoftuar se nuk do të ketë më rotacion të orarit por nga nesër qytetarët do të dalin dy herë nga 90 minuta, para dhe pas dite.

Vitia ka theksuar se qytetarët nuk duhet të relaksohen por të vazhdojnë t’i respektojnë masat e qeverisë dhe rekomandimet e Institutit Kombëtar të Shëndetit Publik.