Në Institutin e Kombëtar të Shëndetësisë Publike, sot kanë mbërritur 2000 testet për COVID-19.

Këtë e ka konfirmuar për KOHËN, zëdhënësi i Ministrisë së Shëndetësisë, Faik Hoti.

Ai shkurt ka thënë se testet bashkë me material shpenzues janë dorëzuar sot në IKSHPK.

Ndërkaq lidhur me to ka folur mbrëmë në Interaktiv edhe ministri i Shëndetësisë, Arben Vitia. Vitia tha se “në dispozicion janë rreth 2600 teste”.

Më 23 mars, Ministria e Shëndetësisë ka porositur 7000 teste nga një kompani vendore. Më 28 mars është sjellë pjesa e parë, 2000 teste, ndërkaq sot MSH ka marrë pjesën e dytë.