Arbëri

Surroi: Kur më 2019 SHBA-ja dërgoi letër për prishje të raporteve, s’pati mocion mosbesimi ndaj Qeverisë

Surroi: Kur më 2019 SHBA-ja dërgoi letër për prishje të raporteve, s’pati mocion mosbesimi ndaj Qeverisë

Publicisti dhe shkrimtari Veton Surroi, ka publikuar një letër të datës 11 shkurt, 2019, që Matthew Palmer, zëvendës ndihmës sekretari i Shtetit, Laura Cooper, zëvendës ndihmëse e sekretarit të Mbrojtjes dhe John Erath, zëvendës drejtori për Çështje të Evropës në Këshillin e Sigurisë Kombëtare, ua kishin dërguar liderëve të Kosovës, gjegjësisht presidentit Hashim Thaçi, kryeministrit të atëhershëm, Ramush Haradinaj dhe kryetarit të atëhershëm të Kuvendit, Kadri Veseli.

Në atë letër, zyrtarët amerikanë shfaqnin shqetësimin e tyre pasi Kosova nuk po i përfillte vërejtjet e tyre për heqjen e tarifës ndaj mallrave serbe.