Ministri i Shëndetësisë, Arben Vitia, ka njoftuar se bazuar në rezultatet e testimeve janë konfirmuar edhe katër raste të reja me koronavirus në Kosovë, duke e çuar numrin në total në 13.
Bëhet fjalë për familjarë të ngushtë të pacientit nga Stublla e Vitisë që ishte diagnostikuar me këtë virus më 13 mars.
“E gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë”, ka shkruar Vitia në një postim në Facebook.
Ai ka kërkuar vetëdije e ndihmë të qytetarëve pas këtyre rasteve.
“Reduktoni daljet veç në raste emergjente. Ndiqni rekomandimet nga Ministria e Shëndetësisë dhe Instituti Kombëtar i Shëndetit Publik”, ka shtuar ai.
Dje Qeveria e Kosovës ka shpallur emergjencë shëndetësore.
-
Katër të prekur me koronavirus të hënën në Kosovë
-
Katër raste me COVID-19 në Kosovë gjatë 24 orëve të fundit
-
22 të shëruar e 4 të infektuar me koronavirus sot në Kosovë
-
Të mërkurën, 17 të shëruar nga koronavirusi e nëntë raste pozitive
-
Shtohet një rast i ri me koronavirus në Kosovë, numri i të infektuarve shkon në 126