-
Nga:
Sanie Jusufi
- 11 mars 2020 07:45
- Shpërndaje në:
Mbi 2 miliardë e 356 milionë euro është buxheti i shtetit që Qeveria ka planifikuar për vitin 2020. Rritja ekonomike për këtë vit parashihet të jetë në 2.4 në terma realë apo mbi 5 për qind në terma nominalë.
Mbështetur në projektbuxhetin që ka kaluar të martën në ekzekutiv dhe që është proceduar në Kuvend, të hyrat e përgjithshme buxhetore për vitin 2020 pritet të arrijnë vlerën prej 2 miliardë e 20 milionë eurosh apo 251 milionë euro më shumë sesa të hyrat e vitit të kaluar. Lartësia e shpenzimeve është paraparë të jetë 2 miliardë e 357 milionë euro, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri i Financave dhe Transfereve, Besnik Bislimi, ka thënë se shpenzimet buxhetore për këtë vit do të jenë 12.7 për qind më shumë se buxheti i realizuar për vitin 2019.
“Do të vëreni që buxheti për paga dhe mëditje ka një rritje shumë modeste. Ne kemi paraparë rezervë të madhe për t`i akomoduar kërkesat që mund të dalin nga Ligji i pagave”, ka thënë Bislimi.
Sipas tij, mbi 300 milionë euro kanë mbetur obligime të papaguara.
(Artikullin e plotë mund ta lexoni sot në “Koha Ditore”)