Arbëri

Kryeparlamentarja Osmani mblodhi kryetarët e komisioneve parlamentare

Kryeparlamentarja Osmani mblodhi kryetarët e komisioneve parlamentare
Foto: Kuvendi i Kosovës

Kryetarja e Kuvendit të Republikës së Kosovës, Vjosa Osmani, zhvilloi sot një takim me kryetarët e komisioneve parlamentare, për të diskutuar lidhur me mbarëvajtjen e punës pas konstituimit të tyre, detyrave që ato kanë para vetes dhe kërkesave eventuale për punë.

Kryeparlamentarja Osmani bëri të ditur se të gjitha komisionet tashmë kanë mbajtur mbledhjet konstituive dhe kanë harmonizuar përshkrimin e detyrave të punës, bazuar në thirrjet e ministrive përkatëse.