Një shtet i madh dhe i fuqishëm europian kërkoi nga Prishtina që të vendosë taksën, në mënyrë që Serbia të braktisë dialogun, i cili në atë moment shkonte drejt zgjidhjes me kompromis që Serbia “të fitojë” veriun e Kosovës dhe Anamoravën. Kështu deklaroi mbrëmë në TV Hepi të Beogradit presidenti i Serbisë, Aleksandar Vuçiq, transmeton Koha.net.
Sipas tij në këtë mënyrë u humb rasti për rivendosje të kufirit (me Kosovën – sqarim ynë).
“Serbi e mirë është vetëm ajo që nuk shkon shumë përpara. Disa njerëz e kanë plot gojën Serbi të madhe, por që as Serbia më e vogël nuk do të ishte e vogël sa duhet aq sa e urrejnë atë. Prandaj nuk ua bëj qejfin, sidomos që njerëzit të jenë më të varfër...”
Ai ka thënë se taksa është vendosur me përkrahjen e një vendi perëndimor në mënyrë që Serbia të mos mund të kërkojë veriun e Kosovës dhe Anamoravën e Kosovës. Por ai nuk e përmendi emrin e këtij vendi.
“Amerikanët kundërshtuan më zëshëm sesa europianët dhe unë gjithë kohën e di - është e pamundur që shqiptarët ta bëjnë këtë pa ndihmën e dikujt. Kuptohet, shqiptarët kanë pasur mbështetjen e një fuqie të madhe europiane, në mënyrë që Serbia të thotë braktisim dialogun dhe që Serbia të mos mund të kërkojë as veriun e Kosovës, as Anamoravën e Kosovës, e as ndonjë pjesë tjetër, që të rrënohet cilido plan sipas të cilit Serbia do të fitonte diçka”, është shprehur ai, transmeton Koha.net.
“Cili është thelbi? Pas një kohe në lidhje me taksën, nga Europa kanë nisur të na akuzojnë se nuk kemi përmbushur disa marrëveshje energjetike dhe atëherë e kuptova se ku është qëllimi, meqë veçmas një vend insistonte në përmbushjen e marrëveshjes energjetike që është një nga 48 marrëveshjet, meqë ata duan kështu të përfitojnë më shumë para. Ndërsa për Bashkësinë (Asociacionin) e Komunave Serbe as që ua bën“, ka thënë ai.
Serbia nuk mund ua ndryshon qëndrimet fuqive të mëdha në lidhje me njohjen e pavarësisë së shtetit të Kosovës pas humbjes së konfliktit ushtarak, ka shtuar ai.
Disa njerëz e kanë plot gojën Serbi të madhe, ndërsa as Serbia më e vogël nuk do t’iu mjaftonte aq sa do ta urrenin.
Të shpallet tradhtar presidenti i cili nga ana tjetër ka mbështetur: Marrëveshjen midis serbëve e shqiptarëve si dy popujt më të mëdhenj të Ballkanit që sjell 100 vjet paqe dhe mundësi, siguri dhe ardhmëri për fëmijët tanë, njëqind vjet jetë... Njerëzit lodhen, as unë nuk do të mundem përgjithmonë, ka thënë.
“Për disa vetëm poshtërimi i Serbisë është zgjidhje përfundimtare, të tjerët janë ata të cilët pas një marrëveshjeje të tillë do të dinin si të ndikonin në Serbinë dhe ata të vendit që e kanë humbur Kosovën dhe Malin e Zi, ndërsa e kanë prurë vendin buzë falimentimit...”
“Dua t’ju them diçka, pasi që kam kuptuar se ne serbët kurrë nuk do të pranojmë diçka që është shansi ynë, ndërsa për këtë do të pendohemi vazhdimisht. Unë ju kam thënë se nga kjo punë s’del gjë. E kam kuptuar mesazhin e popullit. Unë edhe sot ju them se ky ka qenë një shans i madh për ne. E kemi humbur këtë rast. Edhe më keq do të kalojmë në të ardhmen. Jam i lumtur se as askush nuk do të mund të më akuzojë se jam fajtor për këtë. Këtë kisha për t’ju thënë. Kjo nuk do të ndodhë në kohën time, nuk do të jem përgjegjës për çfarëdo katastrofe. Mbani në mend fjalët e mia dhe kujtoni pas 20 vjetësh. Kemi pasur rastin, por nuk kemi pasur ndërgjegje të mjaftueshëm, mençuri sa duhet”, ka thënë Vuçiq.
Në lidhje me atë se e akuzojnë për tradhti, presidenti serb përgjigjet:
“Tash tetë vjet e dëgjoj tregimin – e sollën Vuçiqin për të dorëzuar Kosovën! Sikur kanë diçka që ata kaherë nuk e kanë dhënë. Përkundrazi. Ne kemi bërë punë të mençura me marrëveshjet e Brukselit. Kemi rritur autoritetin e Serbisë...”
Ka konfirmuar se Albin Kurtin e ka parë për herë të parë këtë javë në Munih. Sa i përket tribunës në të cilën kanë marrë pjesë bashkërisht, Vuçit ka thënë se fjala e Kurtit ishte:
“Jashtëzakonisht e ndytë, një parashtrim neveritës kundër Serbisë, me trillimet më të zeza”, por që opozita serbe megjithëkëtë e ka pritur si liderin më të madh.
Ndërsa në lidhje me ligjin mbi kishën në Kosovë, ngjashëm me atë të lirive fetare në Mal të Zi, ka thënë se këtë e ka parë kur ka kërkuar dhe pa i thënë askush.
“... Që të mos na thonë nesër se është një patrikanë tjetër dhe pasuri e Kosovës dhe trashëgimi kulturore e Kosovës, por pasuri kulturore e Serbisë. Asnjëherë nuk kanë dashur të merremi me këtë, vetëm e kthenin në anën tjetre dhe thoshin - për këtë nuk po bisedojmë, edhe shqiptarët edhe të huajt. Në bazë të kësaj e kam hetuar çfarë planesh kanë dhe sa rëndë u bie ky tregim”, i ka thënë presidenti serb TV Hepi, transmeton Koha.net.
© KOHA. Të gjitha të drejtat janë të rezervuara.
