Demaliaj: Kam libra sa krejt deputetët e Vetëvendosjes

13 February 2020 23:47
00:00

Deputeti i AAK, Shkumbin Demaliaj ka thënë se ka libra më shumë se krejt deputetët e Lëvizjes Vetëvendosje.

“E kam një minibibliotekë te shtëpia, sa krejt deputetët e Vetëvendosjes mendoj se kam libra. Krejt veprat e Naim Frashërit, të periudhës së komunizmit në Shqipëri, vepra filozofike etj”, ka thënë Demaliaj, derisa shton se poezia që ia lexoi Kurtit në Kuvend ishte e mirë për sarkazëm.

Tutje ai ka folur për vendimet e fundit të Qeverisë Kurti.

Sipas tij ulja e pagave është akt popullist nga qeveria e tanishme.

Ai thotë Kurti jo që s’do ta marrë pagën e parë me rritje, por do ta marrë edhe të dytën, duke shtuar se një gjë të tillë ia përcakton ligji.

Sipas tij, rritja e pagave ka ndodhur me vendim të Qeverisë.

Demaliaj ka insistuar sërish se taksa ndaj Serbisë nuk duhet të hiqet.

“Ne i dëshirojmë suksese në qeverisje, e shpresojmë se në ato marrëveshje të shkojë në bazë të mekanizmave që kemi krijuar. Për të gjitha punët e mira të shtetit do të ketë përkrahjen e AAK-së. Ai le të thotë madje se një person nga Presheva që ka diplomuar në Universitetet në Kosovë do të mund të punojë në Serbi, pra i njihet diploma e Kosovës, ne do ia njohim si sukses të tij”, ka thënë ai.

Sipas tij vetëm nëse Serbia e njeh Kosovën duhet të hiqet taksa.

“Nuk ka nevojë që Qeveria Kurti me ia dhanë mundësinë Serbisë që të fitojë miliona e miliarda që i shfrytëzon kundër Kosovës. Le ta njohë Kosovën Serbia dhe nesër hiqet taksa dhe vazhdohet me normalizimin e raporteve. Si opozitë nuk do t’i zgjedhim mjetet për të ndalur Kurtit. Çfarëdo që duhet me protesta e gjëra tjera”, ka thënë Demaliaj.

23:47

Demaliaj: Nuk do të lëmë guri pa lëvizur që taksa të mos hiqet

Deputeti i AAK-së, Shkumbin Demaliaj, ka thënë se nëse taksa 100 për qind për mallrat serbe hiqet, Kosova do të kthehet shumë prapa.

Ai tutje ka shtuar se si opozitë nuk do të lejojnë që të dëmtohet shteti i Kosovës me heqjen e taksës.

Ai në Interaktiv të KTV-së ka thënë se me 20 vjet përvojë parlamentare në Kosovë, Aleanca ka qenë pozitë e opozitë konstruktive.

Demaliaj ka thënë se janë të konsoliduar si opozitë, dhe veprimet e tyre varën nga ato veprime që do t’i ndërmarrë qeveria.

“AAK qëndron palë e palëkundur në qëndrimet e veta. Neve i kemi mbledhur nënshkrimet për seancë të jashtëzakonshme, por besoj që kemi edhe bashkëpunim të opozitës. Nga PDK-ja ka pasur lëkundje po nuk ka pasur kërkesë për heqje të taksës. Ka pas koordinim mes partnerëve të koalicionit por nuk diçka të ngjashme tash për heqje të taksës. Neve nuk do të lejojmë në asnjë shkallë që të dëmtohet shteti i Kosovës me heqjen e taksës. Ne do të kthehemi shumë prapa nëse hiqet taksa”, ka thënë ai.

Demaliaj ka thënë se nëse Serbia sillet mirë dhe e njeh Kosovën, atëherë mund të hiqet taksa, duke shtuar së në kushtet aktuale nuk do të ishte e mirë heqja e saj.

Ai thotë se nuk do të lënë asnjë guri pa lëvizur që taksa të mbetet.

“Kemi akterë që kur është folur për mallra serbe ka pasur edhe protesta të përgjakshme, kanë rrotulluar kamionë për mos me hy produkte serbe. Nuk mendoj që VV ka mund të marrë ato vota për reciprocitet, ata nuk kanë lënë element pa shti në fushatë. E dimë se si ka ardhur Qeveria Kurti, ajo nuk është qeveri e shumicës. Është e domosdoshme që Kurti duhet të ndalet e ta verifikojë të kaluarën e tij opozitare”, ka thënë ai.

Ai thotë se beson se Kurti i ka mendtë në kokë për të mos e hequr taksën.

Demaliaj thotë se koordinatorët nuk kanë qenë shpikje por se janë trupa politik.

Sipas tij, qeveria Kurti do të ishte më mirë të merret me çështje të buxhetit se sa të shkarkojë koordinatorë.

Ai thotë se Haradinaj i ka lënë 1 miliard euro në buxhet për nevojat e shtetit, duke shtuar se nuk janë harxhuar rezervat shtetërore.

“Neve e dimë që qeveria ka qenë në dorëheqje. Për emërimet në AKI ka qenë bashkëpunim i presidentit dhe qeverisë”, ka thënë ai.

© KOHA. Të gjitha të drejtat janë të rezervuara.

Komentet

rama rama14/02/2020 14:58

libra ke ne stok ama, mend nuk mbushesh asnjihere deri sa mendon hajnisht e jo pozitivisht.

Ardiani14/02/2020 09:36

A e ke librin e Erich From "Me pase a me dite"?

Idhetar i Albin Kurtit14/02/2020 09:36

Sa mire qe paske libra! A po i lexon mbrapshte a qysh. E more i varfer ne KOKE.

Shto koment

Të ngjashme