Arbëri

Në Ditën Ndërkombëtare të Radios, inaugurohet RadioUP

Në Ditën Ndërkombëtare të Radios, inaugurohet RadioUP
 

Me një ceremoni të mbajtur në Fakultetin e Filologjisë, u inaugurua sot radio e Universitetit të Prishtinës “Hasan Prishtina”, e emërtuar “RadioUP”. Radioja më e re, ka lansuar sot programin e saj eksperimental në 50 vjetorin e Universiteti, duke shënuar kështu edhe Ditën Ndërkombëtare të Radios.

Fjalimin e parë në programin e RadioUP-së e drejtoi për të pranishmit dhe audiencën e radios në uebfaqen e Universitetit, rektori, prof. dr. Marjan Dema. Entuziast për hapjen e këtij kanali të ri të komunikimit, Dema falënderoi stafin dhe studentët e Departamentit të Gazetarisë për këtë dhuratë dhënë për Universitetin në këtë jubile.