Heqja e taksës së vendosur nga ish-kryeministri Ramush Haradinaj pritet të jetë një nga vendimet e para të kreut të ri të Qeverisë Albin Kurti.
Kurti taksën e vendosur për produktet serbe dhe boshnjake, në fund të vitit 2018, ka paralajmëruar se do ta zëvendësojë me reciprocitet, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVendosja e reciprocitetit, sipas njohësve të ekonomisë, është hap i vështirë.
Naim Gashi, ekonomist, vlerëson se vendosja e reciprocitetit do të duhej të bëhej pas zotimit të Serbisë se do të ndalë fushatën agresive ndaj Kosovës.
Kurse ish-kryetari i Odës Ekonomike, Safet Gërxhaliu, thotë se vënia e reciprocitetit do të ishte hapi i parë drejt njohjes së Kosovës nga Serbia.
E zëvendësimi i taksës me reciprocitet, sipas qytetarëve, do të ishte hap i duhur.
Lidhur me paralajmërimin se taksa ndaj Serbisë do të hiqet, partia e ish-kryeministrit Ramush Haradinaj të martën do të mbajë mbledhje të jashtëzakonshme.
Në këtë mbledhje, sipas njoftimit të AAK-së, ndër të tjera, do të diskutohen hapat që do të ndërmerren për të kundërshtuar një vendim të tillë.