Kallëzim penal ndaj Universumit për tejkalimin e kuotës së lejuar për regjistrimin e studentëve Foto: Driton Paçarada / Koha

Kallëzim penal ndaj Universumit për tejkalimin e kuotës së lejuar për regjistrimin e studentëve

Edona Kutleshi Edona Kutleshi 28 January 2020 06:45

Kallëzim penal ndaj Kolegjit Universum, për tejkalim të numrit të studentëve të regjistruar, ka ngritur Inspektorati i Arsimit që vepron në kuadër të Ministrisë së Arsimit, Shkencës dhe Teknologjisë (MASHT). Kallëzimi penal është bërë muaj më parë në Prokurorinë Themelore në Prishtinë.

Këtë e kanë konfirmuar burime të gazetës brenda MASHT-it dhe nga Prokuroria. Sipas një përgjigjeje me shkrim të Prokurorisë Themelore, rasti ndodhet në fazën e procedurës hetimore, shkruan sot “Koha Ditore”.

“Duke ju referuar pyetjeve të parashtruara nga ana juaj, lidhur me Kolegjin Universum, ju njoftojmë se Prokuroria Themelore në Prishtinë ka ndërmarrë veprime hetimore për grumbullimin e informatave dhe provave në sqarimin e kësaj çështjeje. Aktualisht, rasti ndodhet në fazën e zhvillimit të procedurës hetimore”, thuhet në përgjigjen e Prokurorisë.

Zyra për marrëdhënie me publikun e Kolegjit Universum ka theksuar se bëhet fjalë për një tejkalim shumë të vogël të studentëve, por nuk ka treguar saktë numrin. Sipas këtij kolegji, tejkalimi ka ndodhur si rezultat i një gabimi të tyre në transferim të studentëve në Sistemin e Menaxhimit të Informatave të Arsimit të Lartë (SMIAL). Kjo platformë, në të cilën futen të dhënat e studentëve të të gjitha institucioneve të arsimit të lartë të akredituara në Kosovë, menaxhohet nga Departamenti i Arsimit të Lartë i Ministrisë.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme