120 studentë nga Vjena kureshtarë për Kosovën dhe politikën, u përgjigjet Konjufca në Kuvend

120 studentë nga Vjena kureshtarë për Kosovën dhe politikën, u përgjigjet Konjufca në Kuvend

17 January 2020 16:50

Kryetari i Kuvendit të Republikës së Kosovës, Glauk Konjufca, priti sot në takim një grup prej 120 studentësh nga Universiteti i Vjenës, të cilët po qëndrojnë për vizitë në Kosovë.

Në një njoftim për media nga Kuvendi i Kosovës, thuhet se para studentëve nga Austria, Konjufca shpalosi një historik të shkurtër të shtetndërtimit të Kosovës, duke përmendur kështu edhe sfidat me radhë.

“Kosova ka hasur në shumë pengesa dhe ka kaluar në shumë procese të rëndësishme deri tek arritja e pavarësisë”, theksoi kryeparlamentari Konjufca.

Po ashtu, kryetari Konjufca foli edhe për rolin e rëndësishëm të Kuvendit, për sigurimin e të drejtave e lirive të njeriut e të komuniteteve, për përfaqësimin e vullnetit të qytetarëve pa asnjë dallim, dhe për kontrollin mbi qeverinë, organet e tjera që zgjedh dhe për zbatimin e Kushtetutës e të legjislacionit në fuqi.

“Në anën tjetër, studentët ishin shumë kureshtarë të dinin më shumë rreth Kosovës dhe proceseve politike me të cilat ajo përballet. Për këtë arsye ata parashtruan pyetje, të cilave kryetari Konjufca iu dha përgjigje konkrete”, thuhet në njoftim.

© KOHA. Të gjitha të drejtat janë të rezervuara.

Komentet

Shto koment

Të ngjashme