Arbëri

Krijimi i shpejtë i Qeverisë së re është antidoti për problemet e Kosovës, thotë Schütz

Krijimi i shpejtë i Qeverisë së re është antidoti për problemet e Kosovës, thotë Schütz

Krijimi i një qeverie që rezulton nga vullneti i popullit, i shprehur në zgjedhjet e 6 tetorit, është antidoti më i mirë për problemet e grumbulluara me të cilat përballet Kosova. Kështu thotë ambasadorja Susanne Schütz, drejtoreshë për Evropën Juglindore, Turqinë dhe shtetet e EFTA-s në Ministrinë e Jashtme të Gjermanisë, shkruan sot “Koha Ditore”.

Në një intervistë për “Kohën Ditore”, ambasadorja Schütz, e cila ka qëndruar në Kosovë javën e shkuar, ka thënë se shumë gjëra dhe sfida para të cilave gjendet Kosova pritet të adresohen nga një qeveri e re, funksionale. Prej tyre ajo ka folur veçanërisht për çështjen e dialogut me Serbinë, për liberalizimin e vizave dhe të ardhmen e Kosovës dhe të rajonit në BE.