Pas tërmetit, në Thumanë shumë familje ende pa strehë, vazhdojnë të jetojnë në tenda

Leonita Bajrami 15 December 2019 21:21

Në tendë vazhdon ta kalojë natën familja Cakaj, tash e dy javë.

Shtëpia u është shkatërruar nga tërmeti i 26 nëntorit, e kjo është ndihma e vetme që kanë marrë nga autoritetet, raporton KTV.

Në këtë hapësirë po e vazhdon jetesën familja prej katër anëtarësh dhe këtë thonë se e bëjnë me frikë.

Ata i kishin kërkuar Bashkisë t’i çonte në ndonjë hotel, por ajo i ka kthyer në tendën pranë shtëpisë.

Edhe Mesrim Kogje me të shoqen jetojnë në tendë që pas rënies së tërmetit.

Problemin më të madh ai thotë se e ka me sëmundjen e të shoqes, pasi nuk po i jepet as ndihma mjekësore.

Në një gjendje të tillë janë edhe disa familje të tjera në Thumanë.

Mirëpo, një numër i konsiderueshëm prej tyre janë vendosur në hotelet në Lezhë e Shëngjin.

Por, kohë pas kohe, po kthehen të kërkojnë gjësende shtëpiake nëpër rrënoja.

Edhe në orët e vona të mbrëmjes, ata e vazhdojnë kërkimin për të parë nëse ndonjë kujtim i tyre ka shpëtuar.

22 persona kanë vdekur nga 4 ndërtesa që u shembën nga tërmeti i 26 nëntorit në Thumanë.

© KOHA. Të gjitha të drejtat janë të rezervuara.

Komentet

Shto koment

Të ngjashme