Kosova hap konsullatën e pestë në Gjermani, kësaj radhe në Hamburg Foto: Behgjet Pacolli / Twitter

Kosova hap konsullatën e pestë në Gjermani, kësaj radhe në Hamburg

14 December 2019 23:07

Është hapur në Hamburg të Gjermanisë Konsullata e Përgjithshme e Kosovës.

Kjo është konsullata e pestë që Kosova hap në Gjermani, shtet për të cilin ministri i Jashtëm në detyrë, Behgjet Pacolli, thotë se është aleati strategjik i vendit tonë në Evropë.

“Këtë mbrëmje inauguruam në Hamburg Konsullatën e Përgjithshme të Kosovës që do të promovojë marrëdhënie më të forta me veriun e Gjermanisë, do të forcojë tregtinë dhe shkëmbimet ekonomike, si dhe do t’i shërbejë më mirë diasporës sonë që jeton në veri të Gjermanisë. Kjo është Konsullata pestë e Përgjithshme e Kosovës në Gjermani, aleati ynë strategjik në Evropë”, shprehet Pacolli.

Ai shtoi se në dy vjetët e fundit ka punuar në mënyrë aktive për të zgjeruar misionet diplomatike dhe konsullore të Kosovës në botë.

“Jemi prezentë në shumicën e vendeve të rëndësishme në Evropë dhe në të gjitha rajonet nëpër botë. Kjo paraqet një Kosovë më të fuqishme globale që angazhohet me miq e partnerë”, shkroi Pacolli në Twitter.

© KOHA. Të gjitha të drejtat janë të rezervuara.

Komentet

Shto koment

Të ngjashme