Arbëri

Tërmeti u ka shkaktuar miliona euro dëme bizneseve në Durrës

Tërmeti u ka shkaktuar miliona euro dëme bizneseve në Durrës
 

Tërmeti i 26 nëntorit u ka shkaktuar dëme të shumta qindra bizneseve të vogla dhe të mëdha në Durrës. Organizatat e biznesit i kanë kërkuar qeverisë masa lehtësuese për të rikthyer njerëzit në punë. Durrësi është rajoni i tretë në Shqipëri për nga pesha ekonomike e tregtare që përballon prurjet më të madhe turistike në sezonin veror.

Nën rrënojat e shkaktuara nga tërmeti i 26 nëntorit në Durrës, Lavdosh Petoshati doli shëndoshë e mirë pas katër orësh, falë ndihmës së punëtorëve të tij. Pronari i “Pespa Alumin” e sheh kompaninë në ditën më të vështirë, qëkur e ka ngritur, para gati 20 vitesh, pasi dëmet në godina janë të mëdha dhe mbi të është barrë edhe një kredi në miliona euro.