Murati kujton Tallën, Maliqin e Durmishin në 21 vjetorin e rënies – rënia e tyre themel i lirisë

Murati kujton Tallën, Maliqin e Durmishin në 21 vjetorin e rënies – rënia e tyre themel i lirisë

02 December 2019 18:37

Kreu i Lëvizjes për Bashkim, Valon Murati, ka kujtuar në 21 vjetorin e rënies tre heronjtë Hyzri Talla, Afrim Maliqi e Ilir Durmishi.

“Sot u bën 21 vjet nga rënia e shokut tim të dashur Hyzri Tallës me bashkëluftëtarët Afrim Maliqi dhe Ilir Durmishi. Vitet po kalojnë, e kujtimi për ju nuk po venitet. Përpjekja, lufta, dhe rënia e juaj qëndrojnë fortë në themelet e lirisë së Kosovës dhe janë udhërrëfyes për ta bërë vendin tonë edhe më të mirë, më të begatë e me më shumë mirëqenie”, ka thënë Murati.

Ai ka shtuar tutje se “lufta e popullit shqiptar e prirë nga famëmadhja UÇK e solli lirinë, e pavarësinë e Kosovës si hap i parë drejt bashkimit kombëtar, me betimin për të cilin ranë të gjithë dëshmorët e kombit”.

“Lavdi për Hyzriun, Afrimin e Ilirin. Rroftë Ushtria Çlirimtare e Kosovës dhe lufta e saj e drejtë”, ka thënë Murati.

© KOHA. Të gjitha të drejtat janë të rezervuara.

Komentet

Shto koment

Të ngjashme