Zyrtarët policorë për rrezikshmëri do të përfitojnë shtesë nga 16 deri në 40 për qind të pagës bazë

Zyrtarët policorë për rrezikshmëri do të përfitojnë shtesë nga 16 deri në 40 për qind të pagës bazë

Norë Shabani 30 November 2019 07:01

Nga 16 deri në 40 për qind të pagës bazë do të jenë shtesat që do të përfitojnë zyrtarët policorë në rast se hyn në fuqi Projektudhëzimi Administrativ për shtesën e posaçme në pagë për rrezikshmëri të zyrtarëve policorë dhe punonjësve të Inspektoratit Policor të Kosovës (IPK).

Në Policinë e Kosovës, në bazë të Projektudhëzimit që këtë javë ka dalë në konsultim publik, do të ketë nëntë nivele të rrezikshmërisë, shkruan sot Koha Ditore. Ndërkohë që për pjesëtarët e IPK-së ka vetëm një nivel dhe ai është i njëjtë për të gjitha pozitat të cilat, sipas këtij dokumenti, për rrezikshmëri do të përfitojnë 20 për qind të pagës bazë.

Në këtë projektudhëzim nuk është llogaritur kostoja totale e tij. Ndërkohë që në një llogaritje që thuhet se është bërë për nevoja të identifikimit të masës monetare lidhur me pagesën e shtesave mbi pagën bazë prej 20 për qind, për 99 pozita, vlera e shtesës është më e madhe se 174 mijë e 47 euro në vit.

Ky projektudhëzim është derivat i Ligjit për paga në sektorin publik, i cili është paraparë të hyjë në fuqi, në dhjetor të këtij viti. “Ky udhëzim zbatohet për të gjithë zyrtarët policorë, të cilëve mbështetur në ligj dhe në përputhje me pozitën/vendin e punës, sipas strukturës organizative të Policisë, u takon shtesa për rrezikshmëri, siç përcakton Ligji për Pagat në sektorin publik”, thuhet nenin 2 të këtij projektudhëzimi. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme