Jasharaj: Ministri shkeli premtimin për mësimdhënësit e sëmurë rëndë Foto: Koha

Jasharaj: Ministri shkeli premtimin për mësimdhënësit e sëmurë rëndë

Edona Kutleshi Edona Kutleshi 14 November 2019 06:30

Drejtues të Sindikatës së Bashkuar të Arsimit, Shkencës dhe Kulturës (SBASHK) po e kritikojnë ministrin e Arsimit, Shkencës dhe Teknologjisë (MASHT), Shyqiri Bytyqi, për mosrealizimin e premtimit për ta rregulluar ligjërisht pensionimin e parakohshëm të mësimdhënësve që vuajnë nga sëmundjet e rënda.

Kryetari i SBASHK-ut, Rrahman Jasharaj, ka thënë se ndihen të mashtruar pasi, sipas tij, ka dy vjet që po presin të rregullohet kjo çështje. Pensionimi i parakohshëm i këtyre mësimdhënësve, sipas tij, është i domosdoshëm, shkruan sot “Koha Ditore”.

Ministri Bytyqi ishte zotuar se brenda vitit 2018 do ta zgjidhin problemin e këtyre mësimdhënësve. Më 23 gusht të vitit të kaluar, këshilltari i tij, Valmir Gashi, ka thënë për gazetën se ministri është duke i shikuar mundësitë ligjore në mënyrë që kjo çështje të rregullohet përmes një udhëzimi administrativ. Por që nga ajo kohë sipas burimeve të gazetës në MASHT nuk është marrë ndonjë hap.

Në Ministrinë e Arsimit nuk janë përgjigjur se çfarë është punuar në këtë drejtim.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme