20:20

Thaçi pret nesër Matthew Palmerin

Presidenti i Republikës së Kosovës, Hashim Thaçi, do ta presë nesër në takim Përfaqësuesin Special të SHBA-së për Ballkanin Perëndimor, Matthew Palmer.

Sipas njoftimit nga Zyra e Presidentit, takimi do të mbahet në orën 13:30.

Gjatë ditës së nesërme, Palmer do të mbajë një takim me studentë dhe përfaqësues të shoqërisë civile, në Bibliotekën Kombëtare në Prishtinë.

Para ardhjes në Kosovë, Palmer qëndroi për vizitë në Maqedoninë e Veriut.

16:46

Palmer nesër në Prishtinë mban takim me studentë dhe shoqërinë civile

Zëvendës ndihmësi i sekretarit të Shtetit i SHBA-ve, njëherësh Përfaqësues Special i sekretarit të Shtetit për Ballkanin Perëndimor, Matthew Palmer, po qëndron në Kosovë për vizitë.

Ai nesër pritet të flasë para një publiku të përbërë nga studentë dhe pjesëtarë të shoqërisë civile në Bibliotekën Kombëtare të Kosovës.

Pas fjalimit, ai do të përgjigjet në pyetjet nga ky publik, njofton Ambasada e SHBA-së në Prishtinë.

Ndryshe, vizita e Palmer në Kosovë ishte paralajmëruar më herët, por nuk ishte caktuar data e vizitës.

Para ardhjes në Kosovë, Palmer qëndroi për vizitë në Maqedoninë e Veriut.

Zëvendës ndihmësi i sekretarit të Shtetit i SHBA-ve, kohë më parë u emërua si Përfaqësues Special i sekretarit të Shtetit për Ballkanin Perëndimor./Ksp/