Tirana me park edukativ për fëmijët

Tirana me park edukativ për fëmijët

20 September 2019 17:01

Një park publik edukativ shumë shpejt do t’i shtohet kryeqytetit të Shqipërisë, Tiranës, ku fëmijët do të mësojnë sjelljen në rrugë, si dhe rregullat e qarkullimit.

Ky park do të bëhet e mundur në sajë të një projekti inovativ të Drejtorisë së Përgjithshme të Transportit Rrugor.

Siç raporton ATSH, kryeministri Edi Rama, theksoi sot se “projekti do ta bëjë Tiranën vendin e parë në rajon me një park edukativ për lëvizjen në rrugë, ku fëmijët do të argëtohen duke mësuar shenjat e rregullat e qarkullimit”.

“DPTRRSH është institucioni ku ndryshimi i përditshëm lehtëson hap pas hapi, marrëdhëniet deri dje rraskapitëse të drejtuesve të automjeteve me shtetin, ul kostot e rrit transparencën për qytetarët, si edhe projekton të ardhmen me ide të reja e projekte inovative”, tha Rama.

Në këtë park fëmijët do të mësojnë sjelljen në rrugë, rregullat e qarkullimit e si të jenë sa më të kujdesshëm dhe bashkëpunues.

Komentet

Shto koment

Të ngjashme