Arbëri

Kthehet në punë zyrtari që është kërcënuar nga ministri Bytyqi

Kthehet në punë zyrtari që është kërcënuar nga ministri Bytyqi

Tre muaj pasi e pezulloi nga puna, Ministria e Arsimit, Shkencës dhe Teknologjisë (MASHT) e ka kthyer Ferit Idrizin në pozitën e ushtruesit të detyrës së drejtorit të Departamentit të Integrimeve Evropiane, Koordinim të Politikave dhe Çështjeve Ligjore. Vendimin e ka marrë Komisioni Disiplinor i kësaj ministrie më 10 shtator.

Në qershor të këtij viti, Idrizi e kishte denoncuar ministrin Shyqiri Bytyqi në polici për kërcënim fizik. Të nesërmen, MASHT-i e kishte pezulluar për 3 muaj me pagesë nga puna. Kërcënimi kishte ndodhur, meqë Idrizi kishte refuzuar ta nënshkruante një opinion ligjor të cilin e konsideronte të jashtëligjshëm, shkruan sot “Koha Ditore”.