Zëvendëskomandanti i Shtabit të Përgjithshëm të UÇK-së, Sokol Bashota, dhe ish-eprori i UÇK-së, Naim Maloku, do të intervistohen nga prokurorët e Zyrës së Prokurorit të Specializuar.
Bashota intervistohet sot në Holandë, derisa Maloku dy ditët e ardhshme në Slloveni.
“Për shkak të gjendjes sime të rënduar shëndetësore dhe pamundësisë që të udhëtoj për në Hagë, intervistimi do të kryhet në ambientet e Gjykatës së Qarkut në Lubjanë. Me Gjykatën në fjalë, do të përballem i vetëm dhe pa avokat. Tërë jetën, me mundësitë, dijen dhe aftësitë e mia profesionale dhe pa kurrfarë interesi personal, jam munduar të jem në shërbim dhe në të mirë të atdheut. I tillë jam dhe do të mbetem!”, ka shkruar Maloku në faqen e tij në Facebook.
Kurse, Taulant Hodaj që mbron Bashotën, ka thënë për KTV-në se ai ka filluar marrjen në pyetje dhe ata do të deklarohen nesër, kur përfundojë intervistimi në Hagë.
11:11
Naim Maloku do të intervistohet nga Specialja në dy ditët e ardhshme
Ish-komandanti i UÇK-së, Naim Maloku, në dy ditët e ardhshme do të intervistohet nga Gjykata Speciale.
Këtë e ka bërë vet ai të ditur duke thënë se do të përballet i vetëm dhe pa avokat.
“Tërë jetën, me mundësitë, dijen dhe aftësitë e mia profesionale dhe pa kurrëfar interesi personal, jam munduar të jem në shërbim dhe në të mirë të Atdheut. I tillë jam dhe do të mbetem”, ka shkruar ai.
Shkrimi i tij i plotë:
Bashkëluftëtar te mi, familjar dhe miq!
Ju njoftoj që nesër dhe pasnesër, pra me 17 dhe 18.09. 2019, do të intervistohem nga Gjykata Speciale e Hagës.
Për shkak të gjendjes sime, të rënduar, shëndetësore dhe pamundësisë që të udhëtoj për në Hagë, intervistimi do të kryhet në ambientet e Gjykatës së Qarkut në Lubjane.
Me Gjykatën në fjalë do të përballem i vetëm dhe pa avokat.
Tërë jetën, me mundësitë, dijen dhe aftësitë e mia profesionale dhe pa kurrëfar interesi personal,jam munduar të jem në shërbim dhe në të mirë të Atdheut. I tillë jam dhe do të mbetem!
