Arbëri

Kosova përkujtoi sulmin terrorist në New York me sirena, ndezje qirinjsh e flamuj në gjysmë shtizë

Kosova përkujtoi sulmin terrorist në New York me sirena, ndezje qirinjsh e flamuj në gjysmë shtizë

Policia, zjarrfikësit dhe ambulanca ndezën sirenat dhe dritat e mjeteve të tyre, ndërsa Garda e Nderit e Policisë së Kosovës uli në gjysmë shtizë flamurin amerikan. Krejt kjo në kuadër të aktiviteteve të Shoqatës “Miqtë e Amerikës”, në shenjë nderimi për viktimat e sulmit terrorist të 11 shtatorit 2001 në SHBA.

Kryetari i Shoqatës “Miqtë e Amerikës”, Agim Rexhepi, tha se në vitin 2001, Kosova i kishte ende varret e hapura nga lufta në Kosovë, kur më 11 shtator përjetuan edhe ngjarjen e rëndë në Amerikë, e cila u përcoll me lot në Kosovë.