Osmani: Mirëbesimi gjatë procesit zgjedhor, parakusht për koalicion me VV-në Foto: Alban Bujari / KD

Osmani: Mirëbesimi gjatë procesit zgjedhor, parakusht për koalicion me VV-në

Fitim Gashi Fitim Gashi 02 September 2019 07:41

Vjosa Osmani nuk sheh partner tjetër për të bashkëqeverisur përveç Vetëvendosjes, nëse rezultati zgjedhor i 6 tetorit e nxjerr atë fituese në garën për kryeministre.

“Koalicioni parazgjedhor dështoi, por koalicioni paszgjedhor do të ndodhë”, ka thënë Osmani në një intervistë dhënë “Kohës Ditore”.

Por, sipas saj, parakusht për këtë është që të lihet një derë e hapur e mirëbesimit gjatë procesit zgjedhor. Me këtë ka nënkuptuar sjelljen korrekte dhe respektimin e bashkëpunimit mes dy subjekteve edhe gjatë fushatës parazgjedhore.

Duke komentuar refuzimin që i bënë ofertës së fundit të Vetëvendosjes që në zgjedhje të shkohet pa të nominuar për kryeministër, Osmani ka thënë se kjo do të çonte në luftë dhe garë të brendshme, “nga e cila do të përfitonin kandidatët tjerë për kryeministër”.

Osmani ka folur për ndryshimin e madh që ofron ajo si kandidate për kryeministre, pavarësisht të kaluarës jo të largët dhe koalicioneve me PDK-në, me të cilën LDK-ja ndan hisenë e përgjegjësisë për keqqeverisjet e pasluftës. (Intervistën e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.

Komentet

tosi03/09/2019 13:09

Kjo eshte nje hipokrizi e Vjoses dhe LDKs, prej VV kerkon mirebesim sepse e dine se kane shume te meta, derisa prej tjereve nuk kerkon dmth edhe pse sillen keq ska lidhje bojne kolaicion me pdk aak nisam etj e VV nuk po bojka, HIPOKRIZI

Kadija03/09/2019 13:09

Comon Vjosa, we are with you.

Shto koment

Të ngjashme