Pas nominimit të Vjosa Osmanit për kryeministre, kjo e fundit bashkë me kreun e LDK-së, Isa Mustafa, po zhvillojnë takim me kreun e lëvizjes Vetëvendosje, Albin Kurti.
Takimi po bëhet në kuadër të përpjekjeve për të bërë koalicion parazgjedhor mes dy subjekteve politike, megjithëse LDK-ja me nomimin e Osmanit duket se nuk do të heqë dorë nga posti i kryeministrit.
Takimi po mbahet në njërin nga hotelet në qendër të qytetit.
Në takim është edhe Lutfi Haziri, i cili është vënë në krye të organizimit të fushatës zgjedhore të LDK-së.
