Prej sot hyn në fuqi projekti për menaxhim të përbashkët kufitar mes Maqedonisë së Veriut dhe Serbisë në vendkalimin Tabanoc – Preshevë. Ky projekt i ashtuquajtur “One stop shop” synon kontrolle kufitare dhe doganim në një pikë të përbashkët. Me këtë dyfish do të ulet koha e pritjes dhe procedurat e shqyrtimit të dokumentacioneve.
Kryeministrja serbe Ana Brnabiq, në fjalimin e saj tha se marrëdhëniet ekonomike mes dy shteteve janë në nivelin më të lartë të mundshëm.
“Marrëdhëniet ekonomike, mes Serbisë dhe Republikës së Maqedonisë së Veriut është në nivelin më të lartë të mundshëm. Ndërkohë që projekti i sotëm vetëm se do të thelloj edhe më shumë bashkëpunimin ekonomik, që është shumë i rëndësishëm për raportet ekonomike mes dy vendeve”.
“Shumë më mirë është të bashkëpunojmë se sa të bllokojmë. Prishtina duhet ta shqyrtoj vendimin rreth taksës për mallrat serbe”, tha Ana Bërnabiq, kryeministre e Serbisë gjatë ceremonisë së fillimit të menaxhimit të përbashkët kufitar “One stop shop”.
