Arbëri

Paralajmërohet koalicion i madh parazgjedhor i partive serbe në Kosovë

Paralajmërohet koalicion i madh parazgjedhor i partive serbe në Kosovë

Në pritje të zgjedhjeve të parakohshme parlamentare në Kosovës, partitë politike shqiptare janë në fazën e arritjes së koalicioneve të mundshme parazgjedhore, por pak kush flet se sa parti serbe do të marrin pjesë në këto zgjedhje dhe nëse ato do të shkojnë në koalicione.

Nga taborët e partive serbe nuk tregojnë nëse do të shkojnë vetëm apo në koalicione parazgjedhore, por ish-ministri serb, Sllavisha Petkoviq paralajmëron një koalicion të gjerë të partive serbe në zgjedhjet e parakohshme në Kosovë, që priten të mbahen në fund të shtatorit ose në fillim të tetorit.