Arbëri

Veseli zotohet se në qeverinë e tij do të ketë më shumë ministra të rinj dhe të pakorruptuar

Veseli zotohet se në qeverinë e tij do të ketë më shumë ministra të rinj dhe të pakorruptuar

Kryetari i Partisë Demokratike të Kosovës, Kadri Veseli, i shoqëruar nga ministri i Kulturës Rinisë dhe Sportit, Kujtim Gashi, kanë takuar sot dhjetëra të rinj që përfaqësojnë organizatat më të mëdha rinore të Kosovës, për të diskutuar për mbështetjen e tyre nëpërmjet fondit të rinisë, i cili është krijuar me iniciativë të Veselit tash e një vit, transmeton KosovaPress.

Gjatë diskutimeve me liderin e PDK-së, i cili është edhe kandidat për kryeministër të Kosovës, të rinjtë thanë se me formimin e fondit rinor kanë përfituar shumë projekte përmes të cilave kanë arritur të hapin biznese të vogla dhe të realizojnë idetë e tyre të ndryshme për të rinjtë e tjerë.